You are here

TEJO havas novan volontulon

En sia lasta reta kunsido, la estraro de TEJO traktis interalie la kandidatiĝojn por la posteno de volontulo en la Centra Oficejo. Evidentiĝis ke la ekster-eŭropunianojn kandidatiĝintajn ne eblas nuntempe akcepti pro la komplikaĵoj rilataj al restado-vizo por Nederlando. Bonŝance, la situacion savis la lastmomenta kandidatiĝo de Natalia Antolak, kiu jam aktivas en TEJO kiel komitatanino A por Pollando. Ŝi ankaŭ oficas kiel sekretario de PEJ kaj Varsovia Vento de kelkaj jaroj, sekve havas tre taŭgajn kapablojn. Ni ĝojas anonci do ke en la proksima duonjaro, Natalia rolos kiel la volontulo de TEJO. Komence de februaro ŝi jam ekos sian laboron en la CO kaj vi povos ekkontakti ŝin (kaj TEJO-n) per la regula adreso: oficejo@tejo.org.

Komentoj

Bonvenon Natalia,

Dum la pasinta vendredo mi partoprenis unu evento pri junuloj/lernejoj kiuj traktas UNOn. La organizo pri tio, grandparte en Usono, nomigxas CTAUN au' Komitato pri la Instruado Pri UNO kaj havas retejon. La novjorka estro de UNESCO prelegis tie. Temas pri Phillipe Kridelka kun kiu mi kaj esperantisto, diplomato, Sean O'Riain havis plurajn kontaktojn. Sean kaj Philippe konatigxis kiel diplomatoj en Varsovio antau' jardeko.

Esperantistino, el Polio, Renata Kaczmarska, laboras cxe UNO-Novjorko dum preskau' 20 jaroj. Sxia posteno dum kelkaj jaroj nomigxas "la fokusa ulo pri la familio" kaj organizas diversajn prelegojn pri infanaj kaj junulaj rajtoj. Sxi laboras en la departmento nomata DESA de UNO.

Mi plej ofte raportas kun fotoj cxe Yahoo Grupo "Agado".

Se vi povas pensi pri manieroj grandigi niajn kontaktojn inter junuloj en UNO, informu min cxe neil_nachum@yahoo.com, cxe Fejsbuk au' Ipernity.

Amike, Nijl Blonstein